مفتی منیب الرحمان کے حوالے سے افسوسناک خبر، پاکستانی چِلا اُٹھے

مرکزی رویت ہلال کمیٹی کے نئے سربراہ کا تقرر کر دیا گیا۔ تفصیلات کے مطابق تحریک انصاف کی وفاقی حکومت نے مرکزی رویت ہلال کمیٹی کی تشکیل نو کرنے کے علاوہ نئے سربراہ کے نام کا اعلان بھی کر دیا ہے۔ مفتی منیب الرحمان کو عہدے سے ہٹائے جانے کے بعد بادشاہی مسجد لاہور کے خطیب مولانا عبدالخبیر آزاد کمیٹی کے نئے

سربراہ ہوں گے۔ مفتی منیب الرحمان کو کمیٹی کے چئیرمین کے عہدے سے ہٹا دیا گیا۔ مفتی منیب الرحمان برسوں سے مرکزی رویت ہلال کمیٹی کے چئیرمین کے عہدے ہر براجمان تھے، تاہم اب حکومت نے انہیں اس عہدے سے ہٹا دیا ہے۔ چئیرمین کی تبدیلی کے علاوہ وزارت سائنس و ٹیکنالوجی اور محکمہ موسمیات کے نمائندے رویت ہلال کمیٹی کمیٹی میں شامل کیے گئے ہیں۔ وزارت مذہبی امور اور سُپارکو کے نمائندے بھی کمیٹی کا حصہ ہوں گے۔ نئے چئیرمین کی تعیناتی اور کمیٹی کی تشکیل نو کا باقاعدہ نوٹیفکیشن بھی جاری کر دیا گیا ہے۔ واضح رہے کہ برسوں سے ہر سال رمضان المبارک، عید الفطر، اور عید الاضحیٰ کے مواقعوں پر چاند کی رویت کا تنازعہ پیدا ہو جاتا ہے۔ مرکزی رویت ہلال کمیٹی کی سربراہی کرنے والے مفتی منیب الرحمان اور پشاور کی مسجد قاسم خان کے امیر مفتی پوپلزئی کبھی بھی پوری قوم کو ایک دن عید منانے کا موقع فراہم نہ کر سکے۔ جبکہ تحریک انصاف کی حکومت آنے کے بعد وفاقی وزیر فواد چوہدری اور مفتی منیب الرحمان کے درمیان بھی چاند کی رویت کے حوالے سے مسلسل تنازعہ رہا۔ اس تنازعے کے خاتمے کیلئے کئی وفاقی وزراء نے مفتی منیب الرحمان کو عہدے سے ہٹانے کا مطالبہ کیا تھا، جس کے بعد اب برسوں بعد پہلی مرتبپ مرکزی رویت ہلال کمیٹی کی تشکیل نو کر دی گئی ہے۔

Sharing is caring!

Categories

Leave a Reply

Your email address will not be published. Required fields are marked *