کورونا وائرس بے قابو ہو گیا، مزید تین علاقوں میں سمارٹ لاک ڈائون کا فیصلہ

پشاور(پی این آئی)کورونا کیسز بڑھنے پر ضلعی انتظامیہ پشاور نے مزید 3 علاقوں میں سمارٹ لاک ڈاوَن کا فیصلہ کرلیاہے،بشیر آباد کے محلہ عزیز خان، ریلوے کالونی، فالکن کالونی میں لاک ڈاوَن ہوگا۔نجی ٹی وی کے مطابق ڈپٹی کمشنر پشاور کی جانب سے جاری اعلامیہ میں کہاگیاہے کہ متعلقہ علاقوں میں لاک ڈاوَن شام

6 بجے نافذ کیا جائے گا،متعلقہ علاقوں میں صرف ضروری آشیا اور ادویات کی دکانیں کھلی رہیں گی،ڈی سی پشاور کاکہناہے کہ متاثرہ علاقوں میں غیرضروری نقل و حرکت پر پابندی ہوگی،متاثرہ علاقوں کو کورونا کے کیسز زیادہ آنے پر سیل کیا گیا۔ پشاور کے خیبر ٹیچنگ ہسپتال میں زیرِ علاج 4 بچوں میں کورونا وائرس کی تصدیق پشاور کے خیبر ٹیچنگ ہسپتال میں زیرِ علاج 4 بچوں میں کورونا وائرس کی تصدیق ہوئی ہے اس حوالے سے ترجمان کے ٹی ایچ فرہاد خان نے بتایا کہ متاثرہ بچے اسپتال کے پرائیوٹ رومز میں زیرِعلاج ہیں۔ترجمان کے ٹی ایچ فرہاد خان نے بتایا کہ کورونا وائرس سے متاثرہ بچوں میں ایک سال کا جنید،4 سال کی بچی کبریٰ، 2 ماہ کا بچہ عباس خان اور 9 ماہ کا بچہ ایان خان شامل ہیں۔ ترجمان ہسپتال نے بتایا کہ کورونا وائرس سے متاثرہ چاروں بچوں کی حالت خطرے سے باہر ہے۔اْنہوں نے بتایا کہ کورونا وائرس سے متاثرہ تین بچوں کا تعلق پشاور اور ایک بچی کا تعلق اپردیر سے ہے۔ پاکستان میں کورونا وائرس کے مثبت کیسز کی شرح میں کتنا اضافہ ہو گیا؟ تفصیلی رپورٹ نے پریشان کر دیا اسلام آباد (پی این آئی) وزیر اعظم عمران خان کے معاون خصوصی برائے صحت ڈاکٹر فیصل سلطان نے کہا ہے کہ پاکستان میں کورونا مثبت کیسز کی شرح 7 سے 8 فیصد تک پہنچ گئی ہے ، ملک میں کورونا کیسز میں اضافے کی وجہ سے ہسپتالوں پر دباؤ بڑھ رہا ہے۔ تفصیلات کے مطابق اسلام آباد میں پریس کانفرنس کرتےہوئے انہوں نے کہا کہ کورونا ایس اوپیز پر سختی سے عملدرآمد کرنا ہوگا کیوں کہ ہمیں عالمی وباء کورونا وائرس پر قابو پانے کے لیے پوری قوم کے تعاون کی ضرورت ہے ، جس کیلئے ضروری ہے کہ ماسک پہنا جائے ، ایک دوسرے سے فاصلہ رکھیں اور اجتماعات سے پرہیز کیا جائے ، شادی بیاہ کی تقریبات منانے پر کوئی پابندی نہیں ہے لیکن احتیاط ضرور کریں ، جس کیلئے شادی ہالز کے کمرے کھلے رکھیں اور ایس او پیز پر عمل درآمد کو یقینی بنایا جائے۔یہاں

واضح رہے کہ کورونا کی دوسری لہر نے ملک بھر میں شدت اختیار کر لی ہے ، عالمی وبا کورونا وائرس کے سبب پاکستان میں گزشتہ 5 ماہ کے دوران آج سب سے زیادہ اموات ریکارڈ ہوئیں ، کورونا سے گذشتہ چوبیس گھنٹوں کے دوران 105اموات ہوئیں جبکہ کورونا کے 2 ہزار 731 نئے کیسز رپورٹ ہوئے ، جس کے بعد اموات کی تعداد 9 ہزار 10 ہوگئی اور پاکستان میں کورونا کے تصدیق شدہ کیسز کی تعداد 4 لاکھ 45 ہزار 977 ہوگئی۔نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 2 ہزار 731 نئے کیسز رپورٹ ہوئے، پنجاب میں ایک لاکھ 28 ہزار 673، سندھ میں ایک لاکھ 98 ہزار 482، خیبر پختونخوا میں 53 ہزار 253، بلوچستان میں 17 ہزار 796، گلگت بلتستان میں 4 ہزار 799، اسلام آباد میں 35 ہزار 203 جبکہ آزاد کشمیر میں 7 ہزار 771 کیسز رپورٹ ہوئے ، پنجاب میں 3 ہزار 452، سندھ میں 3 ہزار 222، خیبر پختونخوا میں ایک ہزار 489، اسلام آباد میں 379، بلوچستان میں 176، گلگت بلتستان میں 99 اور آزاد کشمیر میں 193 مریض جان سے ہاتھ دھو بیٹھے۔

Sharing is caring!

Categories

Comments are closed.