گاڑیوں کے شوقین افراد کیلئے زبردست خوشخبری ، پاکستان میں پروٹون ایکس 70 متعارف کروا دی گئی

اسلام آباد(نیوز ڈیسک) پاکستان میں دنیا کی معروف ترین کار ساز کمپنیاں سرمایہ کاری کر رہی ہیں اور دھڑا دھڑ مارکیٹ میں ایک سے ایک نئی گاڑی متعارف ہو رہی ہے جس سے صارفین اور شوقین افراد کیلئے چوائس کی آپشن بڑھ رہی ہے جو کہ ایک خوش آئند چیز ہے ، مقابلہ بازی سے صارفین کو بہترین سہولیات اور قیمت میں کمی کا فائدہ پہنچتا ہے ۔

گاڑیوں کے نت نئے ماڈلز خریدنے والے شوقین افراد کیلئے خوشخبری ہے کیونکہ نئی ایس یو وی گاڑی پروٹون ایکس 70 پاکستان میں متعارف کرادی گئی ہے۔18 دسمبر کو ایک آن لائن ایونٹ کے دوران کو اس گاڑی کو باضابطہ طور پر متعارف کرایا گیا، جس کی اولین جھلک کمپنی نے 10 دسمبر کو پیش کرتے ہوئے متعدد فیچرز کے بارے میں بتایا تھا۔ یہ گاڑی 2 مختلف ماڈلز میں متعارف کرائی گئی ہے، ایک آل وہیل ڈرائیو (اے ڈبلیو ڈی) اور دوسرا فرنٹ وہیل ڈرائیو (ایف ڈبلیو ڈی) ہے۔یہ گاڑی 1500 سی سی ٹربوج چارجڈ انجن سے لیس ہے جو 177 ہارس پاور اور 255 این ایم ٹارک فراہم کرتا ہے۔اس کے اے ڈبلیو ڈی ورڑن میں وائس کمانڈ، ایکٹیو آل وہیل ڈرائیو سسٹم، ایل ای ڈی ہیڈلیمپس ڈی آر ایل ایس کے ساتھ، 360 ڈگری کیمرا، ڈرائیو پاور سیٹ، ٹائر پریشر مانیٹرنگ سسٹم جیسے فیچرز قابل ذکر ہیں۔ ۔اس وقت گاڑی کا امپورٹ شدہ ماڈل صارفین خریدسکیں گے مگر 2021 کی پہلی ششماہی میں مقامی طور پر اسمبل ماڈلز بھی دستیاب ہوں گے۔اس گاڑی کا اے ڈبلیو ڈی ماڈل 48 لاکھ 90 ہزار روپے جبکہ ایف ڈبلیو ڈی ماڈل 53 لاکھ 90 ہزار روپے میں فروخت کیا جائے گا، یہ دونوں امورٹ شدہ ماڈلز ہوں گے۔مقامی طور پر اسمبل ہونے پر اے ڈبلیو ڈی ماڈل 46 لاکھ 90 ہزار اور ایف ڈبلیو ڈی 49 لاکھ 90 ہزار روپے میں فروخت کیا جائے گا۔ ایف ڈبلیو ڈی ورژن میں اے ڈبلیو ڈی کے فیچرز کے ساتھ چند اضافی فیچرز بھی دیئے گئے ہیں، جن میں ایڈوانس ڈرائیور اسسٹنس سسٹم، فرنٹ پسنجر پاور سیٹس اور پینورامک سن روف قابل ذکر ہیں۔

Sharing is caring!

Categories

Comments are closed.