سولہ سو روپے من والا لالی پوپ حکومت اپنی جیب میں رکھے، کسی اور کام آئے گا۔۔۔!!! چودھری پرویزالٰہی کی حکومت پر کڑی تنقید، ناقابل یقین مطالبہ کر دیا

لاہور (ویب ڈیسک) قائم مقام گورنر پنجاب چودھری پرویزالٰہی نے حکومت کی گندم پالیسی کو کڑی تنقید کا نشانہ بناتے ہوئے کہا ہے کہ یہ کہاں کا انصاف ہے کہ یوکرائن کا کسان تو خو شحال ہو اور ہمارے کسان بے حال، سولہ سو روپے من والا لالی پوپ حکومت اپنی جیب میں رکھیں کسی اور کام آئے گا۔

دنیا نیوز کے مطابق قائم مقام گورنر پنجاب چوہدری پرویز الہی سے نارروال سے ن لیگ کے پارٹی عہدیداروں اور سابق تحصیل ناظم شکرگڑھ چودھری محمد احمد سنگھراں اور تحریک لبیک کے امیدوار صوبائی اسمبلی ناصر چوہان نے ملاقات کی اور مسلم لیگ ق میں شمولیت کا اعلان کیا۔چوہدری پرویز الہی نے اس موقع پر گفتگو کرتے ہوئے کہا کہ گندم کی امدادی قیمت 2ہزار فی چالیس کلو ہی سب سے زیادہ ضروری ہے۔ سندھ حکومت کے عمل کرنے والوں اور نیشنل اسمبلی کے جن ممبران نے گندم کی امدادی قیمت 2ہزار مقرر کرنے کی آواز اٹھائی ان کا شکریہ۔قائم مقام گورنر پنجاب چودھری پرویزالٰہی نے کہا کہ گندم کی مارکیٹ میں قیمت 24 سو روپے فی چالیس کلو ہے۔ کسان خوشحال ہوا تو پاکستان خوشحال ہوگا۔ انہوں نے کہا کہ پاکستان کا کسان خوشحال نہیں تو ملک کی اکانومی پر برا اثر پڑے گا۔ دنیا کا مقابلہ کرنے کیلئے ہمیں اپنے کسانوں کو مراعات دینا ہونگی۔

Sharing is caring!

Categories

Comments are closed.