تجاویز صوبوں کو بھجوا دیں

وفاق نے تعلیمی اداروں سے متعلق تجاویز صوبوں کو بھجوا دیں
اسلام آباد(ویب ڈیسک) عالمی وبا کورونا وائرس کی دوسری لہر کے پیش نظر وفاقی وزارت تعلیم نے تعلیمی اداروں سے متعلق متعدد تجاویز صوبوں کو بھجوا دیں۔ ہم نیوز کے مطابق وفاقی وزارت تعلیم نے تعلیمی سیشن، امتحانات اور تعلیمی اداروں کو بند کرنے سے متعلق تین مختلف تجاویز صوبوں کی بھجوائی ہیں۔

تعلیمی ادارے بند کرنے کے حوالے سے پہلی تجویز میں کہا گیا ہے کہ تعلیمی اداروں کو 24 نومبر سے 31 جنوری تک بند کر دیا جائے یا پھر 24 نومبر سے پرائمری سکولز، 2 دسمبر سے مڈل سکولز جب کہ 15 دسمبر سے ہائیرسیکنڈری اسکولز کو بند کرنے کی تجویز دی گئی ہے۔اسی طرح وفاقی وزارت تعلیم کی جانب سے تعلیمی سیشن کو مارچ کے بجائے 31 مئی تک بڑھانے کی تجویز دی گئی ہے۔امتحانات کے حوالے سے وفاقی وزارت تعلیم نے صوبوں کو تجویز دی ہے کہ میٹرک،انٹرمیڈیٹ کے امتحانات جون 2021 میں لیےجائیں۔ گلگت بلتستان کے تمام تعلیمی ادارے ایک ہفتے کیلئے بند کر دیئے گئے.واضح رہے کہ ان تجاویز سے متعلق حتمی فیصلہ بین الصوبائی وزرائے تعلیم کے 23 نومبر کو ہونے والے اجلاس میں کیا جائے گا۔ذرائع کے مطابق صوبوں کو مقامی طور پر انتظامات کرنے کا بھی کہا گیا ہے جس میں ٹیلی سکول،ٹیلی ریڈیو سمیت آن لائن ایجوکیشن سسٹم شامل ہوں گے۔ اس کے لئے اساتذہ کو اداروں میں بلایا جائے گا اور آن لائن ایجوکیشن کے لیے تیاری کی جائے گی۔ دوسری جانب ذرائع کے مطابق اساتذہ کو تعلیمی اداروں میں حاضری یقینی بنانے کا کہا گیا ہے۔

Sharing is caring!

Categories

Leave a Reply

Your email address will not be published. Required fields are marked *