اسے کہتے ہیں ریاست مدینہ ۔۔۔ وزیراعظم عمران خان نے غریبوں کو اب تک کی سب سے بڑی خوشخبری سنا دی

اسلام آباد(ویب ڈیسک)وزیراعظم عمران خان نے مہنگائی کم کرنے کیلئے تمام وسائل بروئے کار لانے کااعلان کردیا۔وزیراعظم عمران خان نے اپنے ٹوئٹ میں کہاہے کہ اگلے ہفتے ہماری حکومت کھانے پینے کی اشیا کی قیمتیں کم کرنے کیلئے تمام وسائل استعمال کریگی ،اشیائے خورونوش کی قیمتوں میں اضافے کی وجوہات پر کام کررہے ہیں ، ہم جاننے

کی کوشش کررہےے ہیں مہنگائی کی وجہ شارٹیج ہے یا مافیا؟،جاننے کی کوشش کررہے ہیں آیا مہنگائی کی وجہ سمگلنگ ہے؟وزیراعظم نے کہاکہ عالمی منڈیوں میں پام آئل کی قیمتوں میں اضافہ ہوا ہے ، پاکستان میں بھی پام آئل کی قیمتیں بڑھ گئیں ،آئندہ ہفتے سے مہنگائی کم کرنے کیلئے اپنی سٹرٹیجی پر عمل کریں گے ،انہوں نے کہاکہ ریاستی مشینری اور تمام وسائل قیمتیں کم کرنے کیلئے استعمال کریں گے ۔جبکہ دوسری جانب ایک خبر کے مطابق وزیراعظم عمران خان نے کہا ہے کہ آئندہ ہفتےکھانے پینےکی اشیاکی قیمتیں کم کرنےکیلیےریاست تمام وسائل استعمال کریگی ، قیمتوں میں اضافے کی وجوہات کا پہلے سے ہی جائزہ لے رہے ہیں ۔ تفصیلات کے مطابق وزیراعظم عمران خان نے اشیائے خورونوش کی بڑھتی ہوئی قیمتوں کا نوٹس لے لیا ۔ سماجی ربطوں کی ویب سائٹ ٹوئٹر پر اپنے پیغام میں وزیراعظم عمران خان نے کہا ہے کہ دیکھ رہے ہیں کہ یہ حقیقی سپلائی کی قلت ہے یا مافیاز کی جانب سے ذخیرہ اندوزی کی وجہ سے ایسا ہوا ، اشیاکی قیمتوں میں اضافہ اسمگلنگ کی وجہ سے ہے یا پھر کوئی اور وجہ ہے ، ہم قیمتوں میں اضافے کی حقیقی وجوہات کا تعین کررہے ہیں ، بین الاقوامی سطح پر قیمتوں میں اضافے کا پاکستان پر اثرات کا بھی جائزہ لے رہے ہیں ، تاہم آئندہ ہفتے حکمت عملی کے تحت ایکشن لیتے ہوئے قیمتوں کو کم کریں گے ، اور اس سلسلے میں اشیائے خورونوش کی قیمتوں کو کم کرنے کےلیےریاست تمام وسائل بروئے کار لائے گی ۔دوسری طرف اعداد و شمار سامنے آئے ہیں کہ ایک ہفتے میں مہنگائی 1.24 فیصد بڑھ گئی ۔ادارہ شماریات کی جانب سے جاری رپورٹ میں بتایا گیا ہے کہ حالیہ ہفتے میں 24 اشیائے ضروریہ مہنگی ہوئیں ،آٹے کا 20 کلو کا تھیلا اوسط 28 روپے مہنگا ہوا ۔ ادارہ شماریات کے مطابق چینی کی فی کلو قیمت میں اوسط 1 روپے اضافہ ہوا ،ٹماٹر18 اور پیاز 8 روپے فی کلو مہنگے ہوئے ،انڈے فی درجن 16روپے مہنگے ہوئے ،مرغی برائلر 9 روپے فی کلو مہنگی ہوئی ۔ادارہ شماریات کے مطابق آلو1روپے 80 پیسے فی کلو مہنگے ہوئے ۔ادارہ شماریات کے مطابق دال چنا،چاول،دہی اور لہسن مہنگا ہوا ،کیلے دال مونگ دال ماش اور گڑ کی قیمت میں کمی ،ایک ہفتے میں 23 اشیائے ضروریہ کی قیمتوں میں استحکام رہا۔

Sharing is caring!

Categories

Leave a Reply

Your email address will not be published. Required fields are marked *