حکومت بے شک مریم نواز کا پاسپورٹ جلا دے ، انہیں لاک اپ میں رکھ لے۔۔۔۔ (ن) لیگی رہنما محمد زبیر کا ایسا بیان کہ (ن)لیگی بھی سر پکڑ کر بیٹھ گئے

لاہور(ویب ڈیسک) کچھ بھی کر لو ہم نہیں ڈریں گے۔مسلم لیگ (ن) کے قائد محمد نواز شریف اور نائب صدر مریم نواز کے ترجمان محمد زبیر نے کہا ہے کہ حکومت پاسپورٹ جلا دے یا اپنے پاس کسی لاک اپ میں رکھ لے مریم نواز کہیں نہیں جارہیں، مریم نواز اس وقت پاکستان کی سب

سے مشہور و مقبول سیاسی لیڈر ہیں ،عمران خان نے پی ڈی ایم کی تحریک کو آغاز سے پہلے ہی کامیاب کرا دیا ہے ، انہوں نے کہا کہ تقریر میں نواز شریف گرفتاریوں کا عندیہ دے چکے ہیں، بتائیں کونسا قانون آپ کو گرفتاریاں کرنے اور اپنی مرضی کی جیلوں میں ڈالنے کا اختیاردیتا ہے۔ جاتی امراء رائے ونڈ میں پارٹی اجلاس کے بعد گفتگو کرتے ہوئے محمد زبیر نے کہا کہ گوجرانوالہ کے جلسے میں مریم نواز، مولانا فضل الرحمان، بلاول بھٹوسمیت پی ڈی ایم کی مرکزی قیادت آئے گی ، گوجرانوالہ کا جلسہ پی ڈی ایم کا پہلا ایونٹ ہے اس لئے اس کی کامیابی کے لئے ہر طبقہ فکر سے رابطے کئے جارہے ہیں اور تمام لوگ حکومت کے خلاف باہر نکلنے کے لئے تیار ہیں۔ انہوں نے کہا کہ عمران خان کہتے ہیں کہ اگر قانون ان کی ڈکشنری میں دئیے گئے آئین کے مطابق نہ ہوا تو گرفتاریاں ہوں گی، آپ وزیراعظم ہیں آپ کو اپنے عہدے کا شرم و لحاظ ہونا چاہیے ۔ عمران خان نے پی ڈی ایم کی تحریک کو آغاز سے پہلے ہی کامیاب کر دیا ہے۔ انہوں نے کہا کہ اجلاس میں پی ڈی ایم کے جلسوں ،حکومت کی جانب سے گرفتاریوں سمیت دیگر ہتھکنڈوں سے نمٹنے کے لئے حکمت عملی پر بات چیت ہوئی ہے ۔ ہم گرفتاریوں سے ہرگز خوفزدہ یا ڈرنے والے نہیں ، جب نہتی مریم نواز سب سے آگے ہیں تو پھر کوئی بھی رہنما خوفزدہ نہیں ہے ۔عمران خان اور شیخ رشید سے کہتا ہوں کہ آپ سیاسی میدان میں مریم نواز کا مقابلہ کریں ، مریم نواز اس وقت پاکستان کی سب سے مقبول سیاسی لیڈر ہیں ،آپ مریم نواز کا پاسپورٹ جلا دیں یا اسے اپنے پاس لاک اپ میں رکھ لیں مریم نواز نہیں جارہیں۔

Sharing is caring!

Categories

Leave a Reply

Your email address will not be published. Required fields are marked *