بریکنگ نیوز: کان کھول کر سن لومفرور مجرم کی ہدایات پر قانون توڑنے والوں کے ساتھ ۔۔۔وفاقی حکومت نے اپوزیشن کے چودہ طبق روشن کر دئیے

لاہور(ویب ڈیسک)اردو ٹی وی صوبائی وزیرقانون راجہ بشارت نے کہا ہے کہ ایک مفرور مجرم باہر سے قوم کی قیادت کرنا چاہتا ہے۔نجی چینل سماءنیوز کے مطابق صوبائی وزیرقانون کا کہنا تھا کہ نوازشریف صرف ذاتیات کی سیاست کر رہے ہیں،عوام مفروراشتہاری مجرم کی کال پربہکاوے میں آکر باہر نہیں نکلیں گے۔ انہوں نے کہا کہ ایک مفرور مجرم باہر

سے قوم کی قیادت کرنا چاہتا ہے۔ حکومت قانون کے دائر میں رہ کر احتجاج کی اجازت دے رہی ہے ، اگرکسی نے قانون ہاتھ میں لیا تو سخت کارروائی کی جائے گی۔ صوبائی وزیر قانون کاکہنا تھا کارکنان اپنے مسائل حکومت کے پاس لے کر آئیں، ہم انہیں حل کریں گے۔ ہمارے کارکنان عمران خان کے ویژن کے مطابق کام کرتے ہیں۔ واضح رہے کہ اپوزیشن جماعتوں نے مل کر مولانافضل الرحمان کی صدارت میں پاکستان ڈیموکریٹک موومنٹ کے نام سے تحریک شروع کی ہےجس نے ملک بھر میں حکومت کے خلاف احتجاجی جلسوں کا اعلان کر رکھا ہے۔جبکہ دوسری جناب ایک خبر کے مطابق صدر مسلم لیگ ن رانا ثناء اللہ کا کہنا ہے کہ 10 لاکھ لوگوں کیساتھ اسلام آباد کی جانب پیش قدمی کرنے کا اعلان، اس تحریک کی قیادت عوام کے ہاتھوں میں ہوگی کوئی اس سے پیچھے نہیں ہٹ سکے گا، استعفے بھی دیں گے دھرنا بھی دیں گے۔ تفصیلات کے مطابق مسلم لیگ ن پنجاب کے صدر رانا ثناء اللہ نے کہا ہے کہ لاکھوں لوگوں کیساتھ اسلام آباد کا رخ کیا جائے گا۔ہم دس لاکھ لوگ لے کر اسلام آباد جائیں گے۔ ن لیگ کے سینئر رہنما کا کہنا ہے کہ 16اکتوبر کو پی ڈی ایم کا پہلا جلسہ بہت کامیاب ہوگا، گوجرانوالہ جلسہ حکومت کے خلاف ریفرنڈم ہوگا، یہ ریفرنڈم ملک دشمن اور اپوزیشن دشمن کے خلاف ہے جو تاریخی ہوگا۔ رانا ثناء اللہ کا کہنا ہے کہ گوجرانوالہ کیلئے تیاریاں مکمل کی جارہی ہیں پی ڈی ایم اپنا موقف عوام کے سامنے رکھے گی۔اس تحریک میں سب سے بڑے سٹیک ہولڈر عوام ہیں۔16اکتوبر کو اس تحریک کی قیادت عوام کے ہاتھوں میں ہوگی کوئی اس سے پیچھے نہیں ہٹ سکے گا ۔استعفے بھی دیں گے دھرنا بھی دیں گے۔انہوں نے کہاکہ شاہدرہ میں ہونے والی ایف آئی آر میں ابھی تو تین جرنیلوں نے بھی تھانے جانا ہے،ابھی تو وزیر اعظم آزاد کشمیر بھی آ رہے ہم سب تھانہ شاہدرہ گرفتاری کیلئے جائیں گے۔لگتا یہ ہے پولیس مستقل تھانہ شاہدرہ کو بند کرکے دوڑ جائیگی۔انہوں نے کہاکہ کیسے ممکن ہو سکتا ہے کہ حکومت کی مرضی کے بغیر پوری اپوزیشن پارٹی پر مقدمہ درج کر دیاجائے۔ (ن) لیگ کی قیادت اور رہنمائوں پر غداری کا مقدمہ حکومت نے جان بوجھ کر بنایا۔

Sharing is caring!

Categories

Leave a Reply

Your email address will not be published. Required fields are marked *